За нас

Во Коруновска веруваме дека пеењето и музиката се дел од секој човек. Нашата мисија е да го негуваме тој внатрешен глас и да го претвориме во уметност што не само што звучи убаво, туку и ја гради личноста, карактерот и душата.

За разлика од светот што сè повеќе ја сведува музиката на плејбек и брза слика, ние во Битола создаваме вистински концертни искуства — со жив оркестар, со педагошка методологија и со дисциплина што инспирира. Кај нас талентот не се користи, туку се развива.

Веќе две децении сме дом на хорови за сите возрасти, концерти што ја исполнуваат салата и ученици што денес блескаат на сцените. Нашата визија е јасна: национален фестивал, повеќе хорови, академија со инструменти и целосно легализирано музичко училиште што ја негува музиката во нејзината целост.